२४ फागुन, काठमाडौं । नेपाल कम्युनिस्ट पार्टी (नेकपा) दाहाल-नेपाल समूहले स्थायी कमिटीको बैठक बोलाएको छ ।
नेकपाको आधिकारिकताबारे सर्वोच्च अदालतको फैसलापछि उत्पन्न राजनीतिक अवस्थाबारे छलफल गर्न दाहाल-नेपाल समूहले बिहान ११ बजेका लागि बैठक बोलाएको हो ।
सर्वोच्च अदालतले ऋषि कट्टेल नेतृत्वको नेकपालाई आधिकारिकता दिएको अवस्थामा अबको अन्योल र रणनीतिबारे छलफल हुने समूहका प्रवक्ता नारायणकाजी श्रेष्ठले जानकारी दिएका छन् । सर्वोच्चको फैसलापछि दाहाल नेपाल समूहले हिजो कानुन व्यवसायीसँग छलफल गरेको थियो ।
छलफलमा अदालतको फैसला अनपेक्षित र राजनीतिक प्रकृतिको भएको सुझाव आएको अध्यक्ष पुष्पकमल दाहालले बताएका छन् । आजको स्थायी कमिटीको बैठकपछि पार्टीको आधिकारिक धारणा तय गरी सार्वजनिक गर्ने दाहाल नेपाल समूहको तयारी छ ।
