७ असोज, विराटनगर । विराटनगरमा कोरोना संक्रमणका कारण एक ८६ वर्षे बृद्धको ज्यान गएको छ । मोरङको बुढीगंगा गाउँपालिकास्थित विराट शिक्षण अस्पतालमा उपचाररत बृद्धको आज बिहान मृत्यु भएको पुष्टि भएको हो ।
कोरोना संग मिल्दो जुल्दो लक्षण देखिएपछि भदौ ३ गते आईसीयुमा भर्ना भएका बृद्धमा ५ गते कोरोना पुष्टि भएको थियो । मृर्गाैला, मधुमेह, निमोनियाँ लगाएतबाट रोगी झापाको भद्रपुर-१० घर भएका गहतराज थर भएका बृद्धको आज बिहान ५ बजेर ५० मिनेटमा मृत्यु भएको अस्पतालले जानकारी दिएको छ ।
अस्पताल प्रशासन प्रमुख सुधीरसिंह राठौरका अनुसार कोरोनाको जटिल लक्षण र निमोनियाँका कारण बृद्धलाई बचाउन नसकिएको हो ।
यस्तै कोरोना संक्रमणका कारण नेपालमा मंगलबारसम्म ४ सय २९ जनाको मृत्यु भएको स्वाथ्य मन्त्रालयले पुष्टि गरेपनि अन्य कयौं व्यक्ति थफिएका छन् ।
