प्रवास

नेपाली संस्कृति तथा सद्भावना राजदूतको मानार्थ उपाधिबाट विदेशमा बस्ने दुई जना नेपाली सम्मानित

काठमाडौं, जेठ ३१ गते । नेपाली संस्कृति तथा सद्भावना प्रतिष्ठानले बिभिन्न माध्यमबाट नेपाली संस्कृति तथा परम्परागत विश्वासहरुलाई विश्व सामु प्रस्तुत गर्दै आआफ्नो क्षेत्रबाट बिशेष योगदान दिँदै आएका बिदेशमा बस्ने दुई जना नेपालीहरुलाई आज ‘नेपाली संस्कृति तथा सद्भावना राजदूत’ को मानार्थ उपाधिले सम्मान गरेको छ । नेपाली संस्कृति तथा सद्भावना राजदूतको मानार्थ उपाधिबाट सम्मानित हुने नेपालीहरुमाअन्तर्राष्ट्रिय नेपाली साहित्य समाज नर्वेका अध्यक्ष विष्णुमाया विभू र म्यानमार निबासी अखिल म्यान्मा देशीय गोर्खा हिन्दू धार्मिक संघका अध्यक्ष सागर घिमिरे छन् ।

नेपाली संस्कृति तथा सद्भावना प्रतिष्ठानको तर्फबाट प्रतिष्ठानका अध्यक्ष तथा अन्तर्राष्ट्रिय नेपाली टोपी प्रतिष्ठानका सल्लाहकार एवम् रोमानियाका लागि नेपाली अवैतनिक वाणिज्यदूत नवराज पोखरेलले हार्दिक बधाई तथा शुभकामना दिँदै बिष्णु माया विभू र सागर घिमिरेलाई नेपाली संस्कृति तथा सद्भावना प्रतिष्ठानको सदस्यता प्रदान गरेका थिए । नेपाली संस्कृति तथा सद्भावना प्रतिष्ठानले विभिन्न माध्यमबाट नेपाली संस्कृति तथा परम्परागत विश्वासहरुलाई विश्व सामु प्रस्तुत गर्दै आआफ्नो क्षेत्रबाट विशेष योगदान दिँदै आएका विदेशमा बसोबास गर्ने व्यक्तिहरुलाई मानार्थ उपाधिले सम्मान गर्दै आएको छ ।

यस अघि ‘नेपाली संस्कृति तथा सद्भावना राजदूत’ को मानार्थ उपाधिले सम्मान पाउनेहरुमा दिनेश बाला श्रेष्ठ ९ईटली०, दीपक न्यौपाने ९बेल्जियम०, निर्मल अर्याल ९फ्रान्स०, बसन्त रानाभाट ९स्पेन०, बिजय थापा ९अमेरिका०, पुरू जोशी ९दक्षिण कोरिया०, जीवन प्रसाई ९स्पेन०, डा। एलिनी पोखरेल सुबेदी ९पोल्याण्ड०, योगिता थापा ९बेल्जियम०, लक्ष्मी लामा गुरुङ ९दक्षिण कोरिया०, मदन दवाडी ९बेल्जियम०, डा। मनमूर्ति भुर्तेल ९रसिया०, राजन काफ्ले ९आयरल्याण्ड० मिलन घिमिरे ९थाईलैण्ड० र बालहरि राई ९लक्जेम्बर्ग० रहेका छन ।