काठमाडौ ।दिल निशानी मगरले राष्ट्रपति बिद्यादेवी भण्डारीले बिमानस्थलमा समेत सोफा छाड्न नसकेर पदलोलुपमाथी अहंकार देखाएको भन्दै व्यंग्य गरेका छन् । उनले सामाजिक संजाल ट्वीटरमा ट्वीट गर्दै भोजपुर मानेभंज्याङमा मोहीको झोल र मकैको आटो खाएर हुर्केकी राष्ट्रपति विद्यादेवी भण्डारीले विमानस्थलमा समेत सोफा छोड्न सकिनन् , भन्दै बेलायती राजकुमार ह्यारीले आफ्ना श्रिमती मेघन र छोरा सहित बर्मिङ्गघम दरबारबाट राजकीय पद त्यागरे निस्केको घटनासँग जोडेका छन् ।
सामाजिक संजालमा कसैको समर्थन र कसैको तीब्र बिरोधमा निस्केर चर्चा कमाएका लेखक तथा प्रगतीशिल लेखक मगरले राष्ट्रपति भण्डारीमाथी यसपटक तीखो प्रहार गरेका छन् ।
उनी भन्छन्ः बेलायती राजकुमार ह्यारीले आफ्ना श्रिमती मेघन र छोरासहित बर्मिङ्गघम दरबारबाट राजकीय पद त्यागरे निस्के। भोजपुर मानेभंज्याङमा मोहीको झोल र मकैको आटो खाएर हुर्केकी राष्ट्रपति विद्यादेवी भण्डारीले विमानस्थलमा समेत सोफा छोड्न सकिनन्।
यसैलाई भनिन्छ- नपाउनेले केरा पायो बोक्रा संग खायो।
