काठमाडौं । विश्वकै होचा व्यक्तिको रुपमा गिनिज बुकमा रेकर्ड राखेका खगेन्द्र थापामगरको आज(शुक्रबार) निधन भएको छ ।
बागलुङका थापामगरको उपचारका क्रममा आज दिउँसो पोखराको मणिपाल शिक्षण अस्पतालमा निधन भएको हो । श्वासप्रश्वासमा समस्या आएपछि आइसीयूमा बसेर उपचार गराइरहेका थापामगरको उपचारकै क्रममा शुक्रबार मृत्यु भएको स्रोतले जनाएको छ ।
बागलुङ धुल्लुवासकोट ६ का खगेन्द्रको जन्म वि.स. २०४९ अजोज १८ गते भएको थियो । २०६७ असोज २८ मा विश्वकै होचा व्यक्तिको रुपमा गिनिज बुक अफ वर्ल्ड रेकर्ड कायम गरेका उनको उचाइ ५७ सेन्टिमिटर अर्थात् २ फिट २ इन्च रहेको थियो ।