काठमाडौं । राष्ट्रिय सहकारी महासंघले श्रमिकको सहकारीलाई पाँचलाख अनुदान दिएको छ । एक वर्ष अघि महासंघको पहलमा स्थापना भएको स्वाबलम्वन श्रमिक सहकारीलाई राष्ट्रिय सहकारी महासंघका अध्यक्ष केशव प्रसाद बडालले संस्थाको प्रथम साधारण सभामा पाँच लाखको चेक हस्तान्तरण गरेका हुन् । अनाम नगरमा रहेको संस्थाले मैतिदेवीमा कोप रेष्टुरेण्ट एण्ड बार संचालन गरेको छ ।
संस्थाको प्रथम साधारण सभाको अवसरमा संस्थाले रेष्टुरेण्टको उद्धघाटन गरेको हो । २६ जना श्रमिकहरुबाट शुरु भएको संस्थामा विभिन्न रेष्टुरेण्टमा काम गर्ने श्रमिकहरु सदस्य रहेको संथाका अध्यक्ष मिलन मल्लले जानकारी दिए । उनले ६० लाखको लागतमा संस्थाले रेष्टुरेण्ट सुरु गरेको बताए । उनले भने ‘सदस्यको शेयर पूँजी थप गरेर धेरै ठाँउमा यस्तो सहकारी रेष्टुरेण्ट खोल्दै जानेछौं’ ।
रेष्टुरेण्टको उद्धघाटन गर्दै राष्ट्रिय सहकारी महासंघका अध्यक्ष केशव प्रसाद बडालले श्रम गर्ने जनशक्तिलाई सबैले सम्मान गर्नुपर्ने विचार व्यक्त गरे । उनले सामाजिक न्याय र उत्पादनसंग सहकारी जोडिनु पर्ने कुरामा जोड दिए । बडालले सबैलाई आकर्षण गर्न सक्ने सशक्त र प्रभावकारी बन्नुपर्ने बताउँदै व्यवसाय सञ्चालन गर्दा इमान्दारिता, निरन्तरता, धैर्यता र सौहार्दता जरुरी हुने भएकाले सञ्चालकहरुलाई जिम्मेवार भएर लाग्न आग्रह गरे ।
महासंघका वरिष्ठ उपाध्यक्ष मीनराज कंडेलले नेपालको सन्दर्भमा कोप ब्राण्ड नयाँ कार्यको थालनी भएको बताउँदै सहकारी ऐन,२०७४ मा आधारित श्रमिक सहकारी संस्थाका सदस्यहरु आपैंm मालिक र उपभोक्ता बन्ने उद्देश्य अनुरुप कोप बार एण्ड रेष्टुराँ सञ्चालनमा ल्याएको बताए । सहकारी विभागका रजिष्ट्रार डा.टोकराज पाण्डेले व्यवसाय राम्रोसंग चल्न, बृद्धि हुन र नतिजा दिनका लागि असल मान्छेको हातमा नेतृत्व हुनुपर्छ भन्दै सहकारीका सदस्यहरुले आपैंmले सफलतापूर्वक व्यवसाय सञ्चालन गरेको गर्न र यसका चुनौतीहरुसंग नभाग्न आग्रह गरे ।
राष्ट्रिय सहकारी महासंघको अगुवाईमा स्थापना भएको श्रमिक सहकारीद्धारा व्यवसाय सञ्चालन हुनु नेपाली सहकारी अभियानको नयाँ फड्को भएको विचार व्यक्त गरे । उनले सरकारले यस्ता सहकारलिाई सक्दो सहयोग गर्ने बताए । कार्यक्रममा भूमि व्यवस्था, सहकारी तथा गरिबी निवारण मन्त्रालयका उपसचिव दीपक खड्का, अन्तर्राष्ट्रिय श्रमिक संगठन आइएलओका प्रतिनिधि मिलन श्रेष्ठ लगायतले शुभकमना व्यक्त गरेका थिए । कार्यक्रममा संस्थाका उपाध्यक्ष हिमा बोहोराको स्वागत मन्तव्यबाट आरम्भ भएको उद्घाटन कार्यक्रममा राष्ट्रिय सहकारी महासंघका सञ्चालक रमेश प्रसाद पोखरेल, महाप्रबन्धक चित्रा कुमारी थाम्सुहाङ्ग सुब्बा, नायब महाप्रबन्धक बाबुल खनालको सहभागिता रहेको थियो ।