काठमाडौं । पूर्व युवराज पारस शाह आज(१५ पुस) बाट ४९ औं वर्षमा प्रवेश गरेका छन् । उनलाई सामाजिक सञ्जालमार्फत आफन्त र साथीभाईले जन्मदिनको शुभकामना दिएका छन् ।
१५ पौष २०२८ सालमा जन्मिएका पारसलाई छोरी पूर्णिका शाहले बाबुलाई महान भन्दै मन नौनी जस्तै नरम रहेको लेखेकी छिन्-
पिता धर्मः पिता स्वर्गः पिता हि परमं तपः।
पितरि प्रीतिमापन्ने प्रीयन्ते सर्वदेवताः।।
पितृदेवो भवः
परिवारबाट टाढिएर पारस व्यक्तिगत जीवन बिताइरहेका छन् । उनी आफूलाई पूर्व राजपरिवारका सदस्यभन्दा पनि सर्वसाधारणका रुपमा प्रस्तुत गर्दै आएका छन् । पूर्व राजा ज्ञानेन्द्र शाह र कोमल शाहका जेठा छोरा पारसका पत्नी हिमानी, दुई छोरी र एक छोरा छन् ।
सन् २००० मा चर्चित गायक प्रवीण गुरुङलाई पारसले चलाएको गाडीले ठक्कर दिएको थियो । शाह गायक गुरुङको मृत्यु भएपछि विवादमा आएका थिए । उनी चितवन गोलीकाण्ड लगायत विभिन्न घटनामा मुछिएका पनि थिए ।
चितवनको टाइगरटप्स रिसोर्टमा कांग्रेस नेतृ सुजाता कोइरालाका ज्वाइँ रुवेल चौधरीलाई गोली हानेको विवादमा सार्वजनिक अपराध अभियोग खेपेका उनलाई जिल्ला प्रशासन कार्यालयले ‘आइन्दा यस्तो नगर्ने’ सर्तमा रिहा गरेलगत्तै उनी बैंकक गए ।
