काठमाडौं । नेपाली कांग्रेसका केन्द्रीय सदस्य तथा पूर्व अर्थमन्त्री डा. रामशरण महतको पुस्तक सार्वजनिक भएको छ । बुधबार काठमाडौंमा आइएसएसआरद्वारा आयोजना गरिएको कार्यक्रमबीच डा. महतको ‘ट्रायल्स, ट्रेमोर्स एण्ड होप- द पोलिटिकल इकोनोमी अफ कन्टेम्पररी नेपाल’ नामाक पुस्तक सार्वजनिक भएको हो ।
कार्यक्रममा प्रमुख अतिथि पूर्व राष्ट्रपति डा. रामवरण यादवले सो पुस्तक सार्वजनिक गरेका हुन् । कार्यक्रममा पुस्तकका लेखक डा. महतले पुस्तकमा नेपालको अर्थ राजनीति र समकालीन परिवेशलगायतका सन्दर्भ समेटेको बताए ।
पुस्तकमा नेपालको अर्थ-राजनीतिका साथै समकालीन परिवेशका विषयमा चर्चा गरिएको लेखक महतले जनाएका छन्। खुला अर्थनीति र बजार अर्थव्यवस्थाको महत्वका साथै संघीयता सफल पार्नका लागि ध्यान दिनुपर्ने पाटोको विषयमा पनि पुस्तकमा चर्चा गरिएको छ।
डा. भेषबहादुर थापाको सभापतित्वमा सम्पन्न कार्यक्रममा पत्रकार कनक दीक्षितलगायतले पुस्तकमाथि टिप्पणी गरेका थिए । कार्यक्रममा डा. रविन्द्रप्रसाद पाण्डेले पनि बोलेका थिए ।
