अन्तर्राष्ट्रिय

चेकोस्लोभाकियाको अस्पतालमा आक्रमणः चारको मृत्यु, दुई घाइते

एजेन्सी । चेकोस्लोभाकियाको पूर्वी शहर ओस्ट्रोभामा अवस्थित अस्पतालमा मङ्गलबार एक बन्दुकधारीले प्रहार गरेको गोलीबाट चार व्यक्तिको मृत्यु भएको छ ।

यस आक्रमणमा थप दुईजना गम्भीर घाइते भएका सरकारी स्रोतले जानकारी दिएको छ । ती दुर्ईको अवस्था चिन्ताजनक भएकाले मृतकको सङ्ख्या बढ्न सक्ने प्रहरीको अनुमान छ ।  क्षेत्रीय प्रहरी प्रवक्ता पाभ्ला जिरोस्कोवाले उक्त आक्रमणमा चार जना मारिनुका साथै अन्य दुई गम्भीर घाइते भएको बताए ।

प्रहरीले हाल बेपत्ता रहेका बन्दुकधारीको खोजी गरिरहेको छ । यस्तै चेकोस्लोभाकियाको पूर्वी शहर ओस्ट्रोभास्थित अस्पतालमा आक्रमण गर्ने बन्दुकधारीले प्रयोग गरेको गाडीलाई पिछा गर्ने क्रममा सन्दिग्ध आक्रमणकारीले आत्महत्या गरेको त्यहाँको प्रहरीले बताएको छ ।

प्रहरीका अनुसार ‘आक्रमणकारी’ लाई प्रहरीले पिछा गरेपछि उसले आफ्नो टाउकोमा गोली हानी आत्महत्या गरेको थियो । प्रहरीले उक्त व्यक्तिको परिचय र उसको कुनै आतङ्कवादी समूहसँग सम्लग्नता थियो वा थिएन भन्ने बिषयमा अनुसन्धान थालिसकेको बताएको छ ।

मङ्गलबार एक व्यक्तिले एक्कासी अस्पतालभित्र प्रवेश गरी गोली चलाउँदा कम्तीमा चार जनाको घटनास्थलमा र अन्य दुईको उपचारका क्रममा मृत्यु भएको थियो । उक्त घटनामा अझै दुईको घाइते अवस्थामा अस्पतालमा उपचार भइरहेको छ ।

यसअघि प्रहरीले दिएको जानकारीमा उक्त घटनामा कम्तीमा चार जनाको मृत्यु भएको उल्लेख गरिएको थियो । क्षेत्रीय प्रहरी प्रवक्ता पाभ्ला जिरोस्कोवाले भने, “आक्रमणमा चार जना घटनास्थलमा नै मारिएका थिए भने अन्य दुई जनाको उपचारका क्रममा मृत्यु भएको छ ।

” क्षेत्रीय अस्पतालमा उपचारका लागि विरामी राखिएको वार्डमा आक्रमणकारीले निशाना बनाएको थियो । यद्यपि मारिने उपचारका लागि अस्पताल पुगेका विरामी थिए वा उनीहरूका आफन्त भन्नेबारेमा प्रहरीले गरेको छैन ।