३२ वटा स्वर्ण जित्दै नेपालले बनायो कीर्तिमान, १३ औं सागमा स्वर्ण विजेताहरू यि हुन्..

काठमाडौं । १३औं दक्षिण एसियाली खेलकुद (साग) मा नेपालको नाममा नयाँ कीर्तिमान दर्ज भएको छ । सागअन्तर्गत साइक्लिङमा बुद्धिबहादुर तामाङले बिहिबार स्वर्ण पदक जितेसँगै नेपालले जारी सागमा ३२ स्वर्ण पदक जितेको छ ।

बिहीबार गोकर्णमा भएको पुरुष क्रस कन्ट्रीमा बुद्धिबहादुरले १ घन्टा १९ मिनेट ८ सेकेण्डमा निर्धारित दुरी पार गर्दै स्वर्ण पदक जितेका हुन् । यसैगरी नेपालकै राजिभ राईले रजत र ओकेशराज बज्राचार्यले काश्य पदक जितेका छन् ।

बुद्धिबहादुरको जीतले रचे किर्तिमान :

बुद्धिबहादुरको स्वर्णसँगै नेपालले सागको अहिलेसम्म्कै संस्करणमा सर्वाधिक स्वर्ण जितेको छ । साफको सातौं संस्करणसम्म दोहोरो अंकमा स्वर्ण पदक नजितेको नेपालले सन् १९९९ मा नेपालमा नै भएको आठौं साफमा ३१ स्वर्ण जितेको थियो ।

पहिलो पटक समावेश गरिएको कराँते र तेक्वान्दोमा नेपालले १४–१४ वटा स्वर्ण पदक जितेर इतिहास रचेको थियो । भने बक्सिङमा दुई र पौडीमा एउटा स्वर्ण जितेको थियो । त्यो नै नेपालको सबैभन्दा राम्रो नतिजा थियो ।

सन् १९८४ मा पहिलो साफमा नेपालले चार स्वर्ण जितेको थियो भने १९८५ मा एक, १९८७ मा दुई, १९८९ मा एक, १९९१ मा दुई, १९९३ मा एक र १९९५ मा चार स्वर्ण पदक जितेको थियो ।

२००४ मा पाकिस्तानमा आयोजित साफमा नेपालमा सात स्वर्ण पदक जित्यो । यस्तै  २००६ मा श्रीलंकामा आयोजित सागमा नेपालले ७ स्वर्ण जितेको थियो । तर ड्रोपिङ टेस्टमा अनुत्तीर्ण भएपछि धावक राजेन्द्र भण्डारीले जितेका दुई वटा स्वर्णले मान्यता पाएनन् ।

२०१० मा ढाकामा आयोजित सागमा आठ र २०१६ मा भारतमा आयोजित १२ औं सागमा नेपालले जम्मा तीन वटा स्वर्ण जितेको थियो ।

१३ औं सागमा स्वर्ण विजेताहरूः

१.मण्डेकाजी श्रेष्ठ – कराते
२.सोनी गुरुङ – ट्रायथोलन
३. कमल श्रेष्ठ – तेक्वान्दो, पुम्से
४. निर्मला तामाङ, सरु कार्की, संगीता मगर – कराते
५. सिना मादेन – तेक्वान्दो, पुम्से
६. मन्डेकाजी श्रेष्ठ, प्रवीण मानन्धर, महशुस तामाङ–कराँते
७. लक्ष्मण तामाङ – कराते
८. पार्वती गुरुङ – तेक्वान्दो (पुम्से)
९. आयशा शाक्य – तेक्वान्दो (पुम्से)
१०. विप्लवमान श्रेष्ठ – कराते
११. कुसुम खड्का – कराते
१२. आयशा शाक्य, सञ्जिवकुमार ओझा– टीम पुम्से
१३. अनु अधिकारी – कराते
१४. निशा दर्नाल, स्वम्तिमा तामाङ, सञ्जिला तिमल्सिना–टीम पुम्से
१५. निता गुरुङ, प्रशंसा क्षेत्री, सुशीला राई– तेक्वान्दो (पुम्से)
१६. हिमाल टमाटा – दुवाथोलन
१७. विजय सिञ्जाली – उसु (थाउलो)
१८. सुम्मिता तामाङ – उसु (थाउलो)
१९. नवीन रसाइली – कराते
२०. सन्तोषी श्रेष्ठ – एथ्लेटिक्स
२१. काजोल श्रेष्ठ – तेक्वान्दो
२२. वीरबहादुर महरा – तेक्वान्दो
२३. सुनिता महर्जन – तेक्वान्दो
२४. अनुपमा मगर – कराते
२५. दीपक हमाल – उसु
२६. राजेश मगर – साइक्लिङ
२७. निस्मा श्रेष्ठ – साइक्लिङ
२८. संगिता बस्याल – तेक्वान्दो
२९. सक्षम कार्की – तेक्वान्दो
३०. निमा घर्ती मगर – उसु
३१. लक्ष्मी मगर – साइक्लिङ
३२. बुद्धिबहादुर तामाङ – साइक्लिङ