भक्तपुर । पर्यटन वर्ष-२०२० लाई लक्षित गर्दै भक्तपुरमा भक्तपुर मेला २०७६ शुरु भएको छ । आगामी २३ गतेसम्म सञ्चालन हुने उक्त मेला भक्तपुरको महेश्वरी खेल मैदानमा शुरु भएको हो ।
ममता केन्द्र नेपालले आयोजना गरेको मेलामा पाँच लाख मानिसले अवलोकन गर्ने र रु. १० करोडको व्यापार गर्ने लक्ष्य राखिएको छ । मेलामा रहेका १५० वटा कक्षमा उपभोगका सामान, लत्ताकपडा, खेलकुदका र विद्युतीय सामानलगायत रहेको ममता केन्द्रका अध्यक्ष सगम् लामाले बताए ।
मेलाअवधिभर सामानहरुमा १५ प्रतिशतसम्म छुट दिएको उनले बताए । मेलामा विभिन्न खेलकुद तथा नृत्य प्रतियोगिता पनि हुनेछ ।
