महराविरुद्ध प्रहरीद्वारा मुद्दा दर्ता, प्रमाणित भएमा साढे सात बर्ष जेल जाने !

काठमाण्डौ । काठमाडौँ जिल्ला अदालतमा तत्कालीन सभामुख कृष्णबहादुर महराविरुद्ध मुद्दा दर्ता भएको छ । काठमाडौँ जिल्ला सरकारी वकिलको कार्यालयले आज महराविरुद्ध करणीसम्बन्धी कसुरमा मुद्दा दर्ता गरेको हो ।

काठमाडौँ अदालतका सूचना अधिकारी ज्ञानबहादुर कार्कीका अनुसार महराविरुद्ध मुलुकी अपराध संहिता, २०७४ को दर्ता दफा ३४ को उपदफा ३ बमोजिम मुद्दा दर्ता भएको हो । उक्त उपदफामा कसुर गर्न उद्योग गर्ने वा गराउने व्यक्तिलाई त्यस्तो कसुरका लागि तोकिएको सजायको आधा सजाय हुने व्यवस्था छ । आफ्नै कार्यालयकी कर्मचारीमाथी बलात्कार प्रयास गरेको अभियोग प्रमाणीत भएमा कानून बमोजिम साढे सात् बर्ष जेल बस्नुपर्ने देखिएको छ । अदालतले प्रमाणीत गरेमा मात्र उनले उक्त सजाय पाउनेछन् ।

निवर्तमान सभामुख महरालाई पछिल्लो पटक यही कात्तिक ७ गते थप अुनसन्धानका लागि सात दिनको म्याद थप गरिएको थियो । जुन आज सकिएको थियो । अदालतमा बहस भएपछि महरालाई कारागार पठाउने वा धरौटीमा रिहा हुने भन्ने फैलला हुनेछ । पुर्व सभामुख महरा दशैं अगाडीदेखी नै अनामनगर प्रहरीको हिराशतमा राखिएका छन् ।