काठमाण्डौ ।नेपाली काँग्रेसकी केन्द्रीय सदस्य डा डिला सँग्रौलाले बाँके काँग्रेसकी सभापति किरण कोइरालासहित दर्जनौ कार्यकर्तामाथी नेकपाले गरेको आक्रमणको विरोध गरेकी छन् । नेतृ संग्रौलाले दोषीलाई तत्काल पक्राउ गरी कारबाही गर्न माग गर्दै उक्त घटनाबाट कम्युनिष्ट चरित्र उदाङ्गिएको विचार व्यक्त गरेकी छन् ।
उनले भनेकी छन्, ‘बाँके जिल्ला, खजुरा गाँउपालिकाको सितापुरमा नेपाली काँग्रेस पार्टीको जागरण कार्यक्रम चलिरहेको अवस्थामा नेकपाका कार्यकर्ताहरु प्रवेशगरी अन्धाधुन आक्रमण गरेका छन् । आक्रमणबाट नेपाली काँग्रेसको जिल्ला सभापति श्रीमती किरण कोइरालाको हात फ्याक्चर भएको छ भने केन्द्रीय प्रतिनिधि विध्या प्रसाद खनाल लगायत दर्जनौ स्थानीय नेता तथा कार्यकर्ताहरु घाइते भएका छन् । यो घटनाले कम्यूनिष्टको चरित्र उदाङगिएको छ । सक्ता र शक्तिको उन्मादमा गुण्डागर्दी शैलीमा भएको घृडीत आक्रमणको घोर भत्सना गर्दछु । कुनै पनि राजनीतिक दलले शाान्तिपूर्ण रुपमा कार्यक्रम गर्न पाउने संवैधानिक अधिकार माथि ठाडो प्रहार भएको छ । यस किसिमको अराजक घटना एवं अमानवीय कार्य हुदाँ सम्म पनि सुरक्षा निकाय, स्थानीय प्रशाासन एवं सरकार मौन वस्नु अत्यन्त दुखदायी कुरा हो । घाइतेहरुको शिघ्र स्वास्थय लाभको कामना गर्दै दोषीलाई तत्काल कारवाही गर्न सरकारसँग जोडदार माग गर्दछु ।’
