काठमाडौं । गैरआवासीय नेपाली संघ एनआरएन युकेको नवौं अधिवेसशन शनिवार सम्मन्न भएको छ । उक्त कार्यक्रमलाई सम्बाधनद गर्दै संघका उपाध्यक्ष तथा आगामी कार्यकालको अध्यक्षका प्रत्यासी कुमार पन्तले संघका पुर्व अध्यक्ष शेख घलेको एजेण्डा अनुसा अघि बढ्ने प्रतिवद्धता व्यक्त गरेका छन् ।
पन्तले पूर्व अध्यक्ष शेष घलेको भिजन २०२० एण्ड बियोन्डको एजेण्डा नै अबको एनआरएनको मुद्दा हुने र सोहि अनुसार चल्ने बताएका हुन् । उनले अगाडी भनेका छन् ‘कतिपय साथीहरुले मलाई अब एनआरएनको मुद्दा के हुन्छ भन्नुहुन्छ मेरो वा अरु साथीको मुद्दा भन्ने केही छैन, भिजन २०२० नै अबको मुद्दा हो’ एनआरएन युकेको नवौं अधिवेशनलाई शनिबार सम्बोधन गर्दै पन्तले भने, ‘ भिजन २०२० मा सबै विषय समेटिएका छन् । त्यसैलाई कार्यान्वयन गरेर अघि बढिनुपर्छ ।’
मध्यपूर्व, एसिया प्यासिफिक, युरोप अमेरिकालगायतका क्षेत्रमा ठाउँअनुसार फरक फरक चासो र एजेण्डा रहेका भएपनि ती सबै विषयलाई भिजन २०२० ले नै सम्बोधन गर्न सक्ने पन्तको दाबी छ। पन्तले एनआरएनको सदस्यता वापत चउठाइँदै आएको शुल्कबारे सोच्नेबोला आएको पनि बताए । एनआरएन सदस्यता शुल्क नलिएको खण्डमा संस्थामा थप सहभागिता बढाउन सकिने विचार व्यक्त गर्दै पन्तले यसका लागि आफूले पहल गर्ने बताए ।
अर्को प्रशंगमा पन्तले एनआरआरएनको जन्मनै बेलायतबाट भएको स्मरण गर्दै यहाँको गतिविधि महत्वपूर्ण हुने धारणा राखे । यस्तै एनआरएनका पूर्व अध्यक्ष शेष घलेले एनआरएनको गतिविधिलाई थप प्रभावकारी बनाउँदै लैजानुपर्ने र यसका लागि पर्याप्त छलफल तथा बहस आवश्यक रहेको बताए ।
अधिवेशनमा बेलायतका लागि नेपाली राजदूत दुर्गाबहादुर सुवेदी, एनआरएन उपाध्यक्ष कुल आचार्य, सल्लाहकार डा हेमराज शर्मा, युरोप संयोजक शिवकुमार बरुवाल, केन्द्रीय सदस्य रामशरण सिंखडालगायतको सहभागिता रहेको थियो । अधिवेशन शनिबार गरिएपनि चुनावी कार्यक्रम भने अबको एक सातापछि अर्थात
सेप्टेम्बर १४ मा हुनेछ
नेतृत्वका लागि पुनम गुरुङ र शेरबहादुर सुनारको टीम प्रतिस्पर्धामा रहेको छ । आईसीसीमा सबैभन्दा बढी सदस्य रहेको एनआरएन बेलायतको यो अधिवेशनलाई एनआरएनभित्र चासोको रुपमा हेरिएको छ । एनआरएन बेलायतमा १३ हजार ५६२ सदस्य रहेका छन् ।
