जाजरकोट । डोल्पाको मुड्केचुला गाउँपालिका र काइके गाउँपालिकाका सात बालबालिकालाई यहाँको विमानस्थलबाट उद्धार गरिएको छ । काठमाडौँको जोरपाटीमा सञ्चालित छुतसाङ गुम्बामा पढाउनका लागि लैजाने तयारी गरिरहेका बेला विमानस्थल प्रहरीले उनीहरूलाई रोकेको हो ।
कानूनी प्रक्रिय पूरा नगरेर गुम्बाका लामा लोपसाङ फुन्चोक लामाले लैजान लागेको काइके गाउँपालिका–७ का दुई, ६ का चार र मुड्केचुला–७ का एक गरी सात बालबालिकाको उद्धार गरिएको विमानस्थल सुरक्षा प्रमुख कमल शाहले जानकारी दिए ।
तिब्बतियन नागरिक फुन्चोकले लैजना लागेको सबै बालबालिका दलित समुदायका ९ देखि १३ वर्षसम्मका छन् । बौद्धको जोरपाटीमा रहेको गुम्बाको आधिकारिकताबारे जानकारी नभएसम्म जिल्लाबाट बाहिर बालबालिका लैजान नपाउने प्रजिअ मुकेशकुमार केशरीले बताए ।
