एजेन्सी । घरेलु टोली श्रीलंकाले बंगलादेशविरुद्धको तीन खेलको एकदिवसीय क्रिकेट सिरिज क्लिन स्विप गरेको छ । कोलम्बोमा बुधबार भएको तेस्रो तथा अन्तिम खेलमा बंगलादेशलाई १२२ रनले पराजित गर्दै श्रीलंकाले सिरिज ३–० ले जितेको हो ।
प्रेमादासा क्रिकेट स्टेडियममा श्रीलंकाले दिएको २९५ रनको लक्ष्य पछाएको बंगालदेश ३६ ओभरमा अलआउट हुँदै १७२ रनमा समेटियो ।बंगलादेशका लागि सौम्य सरकारले ६९ रनको अर्धशतकीय इनिङ्स खेलेपनि टोलीलाई जित दिलाउन सकेनन् । यस्तै तैजुल इस्लामले ३९ रन जोडे । श्रीलंकाका लागि दासुन सनकाले ३ तथा कसुन राजिथा र लाहिरु कुमाराले २र२ विकेट लिए ।
यसअघि टस जितेर पहिले ब्याटिङ गरेको श्रीलंकाले ५० ओभरमा ८ विकेट गुमाएर २९४ रन जोडेको थियो । श्रीलंकाको जितमा एञ्जेलो म्याथ्युजले ८७ रनको अर्धशतकीय इनिङ्स खेल्दा कुशल मेन्डिसले ५४ रनको योगदान गरे । कप्तान दिमुथ करुणारत्नेले ४६ रन जोड्दा कुशल परेराले ४२ रन बनाए ।
बंगलादेशका सौम्य सरकार र शैफुल इस्लामले ३ र ३ विकेट लिए । पाहुना टोलीविरुद्ध श्रीलंकाले पहिलो खेलमा ९१ रन र दोस्रो खेलमा ७ विकेटको जित निकालेको थियो ।
