काठमाडौँ । गायक तुलसी शिवाकोटीद्वारा स्वरबद्ध लोक आधुनिक गीत ‘न बचाउन सकेँ’ सार्वजनिक भएको छ ।
विसं २०७४ मा निधन भएका छोरा इशान प्रसाईंको सम्झनामा उनका बाबु गणेश प्रसाईंले बजारमा ल्याएका सो गीत प्रदेश १ का मुख्यमन्त्री शेरधन राईले यहाँ आज आयोजित कार्यक्रममा सार्वजनिक गरे । गीतमा दुर्गाप्रसाद रिमालको शब्द रहेको छ । म्युजिक भिडियोको निर्देशन प्रकाश धितालले गरेका हुन् ।
यस्तै गीतमा कलाकार रक्षा श्रेष्ठ, विकास लामिछाने र एलिस खनालको अभिनय रहेको छ भने दिनेश श्रेष्ठ एरेन्जर रहेका छन् । सो अवसरमा मुख्यमन्त्री राईले डा दुर्गाबहादुर सुवेदीद्वारा सम्पादित ‘मिचाइल डि हिगिन्स’ नामक पुस्तकसमेत सार्वजनिक गरे ।
