नयाँ दिल्ली । अफगानिस्तानको राजधानी काबुलमा उप राष्ट्रपतिको उम्मेदवार रहेका अमरूल्लाह सालेहको पार्टी कार्यालयमा आइतबार भएको आतंककारी हमलाको भारतले कडा शब्दमा निन्दा गरेको छ ।
यस आक्रमणमा परी निर्दोष व्यक्तिहरुको ज्यान गएको भारतले बताएको छ । यस आक्रमणमा मारिएका व्यक्तिका परिवारजनलाई गहिरो समवेदना प्रकट गरिएको विदेश मामिला मन्त्रायलद्वारा जारी विज्ञप्तिमा जानकारी दिएको छ ।
भारत अफगान सरकार र जनाताको शान्ती प्रक्रिया, सुरक्षा र स्थायित्वको सधै साथ रहेको र काँधका काँध मिलाएर जाने उक्त विज्ञप्तिमा जनाइएको छ ।
स्थानीय समयानुसार आइतबार दिउँसो करिब ४ः४० बजे सालेहको ‘ग्रीन ट्रेन्ड’ कार्यालयनजिकै पारेर विस्फोट गराइएको अफगान प्रहरीले जनाएको छ ।
अफगान गृह मन्त्रालयका प्रवक्ता नसरात रहिमका अनुसार यस आक्रमणमा परी दुई व्यक्तिको मृत्यु हुनुको साथै अन्य २५ घाइते भएका अल जजिरा टेलिभिजन च्यानलले जानकारी दिएको छ ।
सालेह अफगानी ग्रीन ट्रेन्ड पार्टीका नेता हुनुहुन्छ भने उहाँले राजनीतिमा प्रवेश गर्नु पहिले अफगानिस्तानको गुप्तचर संस्थाको प्रमुखका रूपमा सेवा गरेका बताइएको छ ।
अफगानिस्तानमा आइतबारबाट राष्ट्रपतीय निर्वाचनको अभियान सुरु भएको छ । सालेह पनि सो निर्वाचनमा उपराष्ट्रपतिको उम्मेदवारका रुपमा घोषणा गरेका छन् ।
