समाचार

मुलुकभरी फेरी भारी वर्षाको सम्भावनाः नागरिकलाई सर्तक रहन आग्रह

काठमाण्डौ । केही दिनदेखि रोकिएको पानी पर्ने क्रम अब पुनः बिस्तारै सुरु हुने मौसमविद्ले बताएका छन् । मनसुनी न्यूनचापीय रेखा नेपाल नजिकै रहेको तथा बंगालको खाडीबाट आएको जलवाष्पयुक्त हावा र स्थानीय वायुको प्रभावले आजभन्दा भोलि र भोलिभन्दा पर्सि पानी पर्ने क्रम अझ बढ्ने सम्भावना रहेको मौसम पूर्वानुमान महाशाखाले जनाएको छ ।

महाशाखाकी मौसमविद् विभूति पोख्रेलका अनुसार यसकै प्रभावले अहिले काठमाण्डौ उपत्यकासहित कैलाली, डडेलधुरा, डोटी, नवलपरासी, चितवन, रामेछाप, ओखलढुङ्गा, धनकुटा लगायतका जिल्लामा मेघ गर्जनसहित पानी परिरहेको छ । यो क्रम अझै बढ्ने उहनको अनुमान छ ।

आज देशभरिकै मौसम आशिंकदेखि सामान्य बदली भई केही ठाउँमा पानी पर्ने सम्भावना रहेको उनले बताए । यस्तै थोरै ठाउँमा ठूलो पानी पर्ने भएको बाढी र पहिरोको जोखिम रहेको ठाउँका बासिन्दालाई सावधानी अपनाउन मौसमविद् पोख्रेलले आग्रह गरीएको छ । केहिदिन अघि मुलुकभर आएको अविरल वर्षाले मुलुकका धेरै जन धनको क्षती भएको थियो ।