काठमाण्डौ । नेपाली काँग्रेसका केन्द्रीय सदस्य एवं युवा नेता गगन थापाले बाँधका कारण डुवानमा पर्ने र हरेका बर्ष नेपालीहरुले पाउनुपरेको दुःख सधैंका लागि अन्त्य गर्न प्रधानमन्त्री केपी शर्मँ ओलीलाई आग्रह गरेका छन् । बाढीका बिषयहरु केहीदिन चर्चामा आउने र फेरि सकिने भएकाले यस्ता बिषयलाई सधैंको समाधारका लागि भारतसँग कुटीतिक कदम चाल्न प्रधानमन्त्री ओलीलाई आग्रह गरेका हुन् ।
नेता थापाले राष्ट्रहितको लागि पहलकदमी लिए काँग्रेस र आफूले समेत सघाउने बचन समेत दिएका छन् । उनले भारतसंग कुटनीतिक वार्ता गरी सधैंका लागि डुवान र बाढीका समस्या अन्त्य गर्नुपर्ने तर्क राखेका छन् ।
नेता थापाले भनेका छन्,
“यस्तो मौसममा प्रत्येक पटक सीमापारीका बाँधले पीडा दिन्छ। केही दिन यो चासोको विषय बन्छ अनि सामसुम हुन्छ। यस पटक यस्तो हुन नदिउ @PM_Nepal यो गम्भीर विषयमा तपाईंको कुटनीतिक पहलकदमी आवश्यक छ। राष्ट्रिय हितको प्रतिबद्धताका साथ कूटनैतिक पहल लिनुहोस् । हामी सबैको साथ हुनेछ।”