बेझाड । नेपाल ट्रेड युनियन काङ्ग्रेस तानसेनको नगर अधिवेशनले सभापतिमा भरत विकलाई चयन गरेको छ । सभापति विकसहित १२ सदस्यीय नगरस्तरीय कार्यसमिति चयन भएको हो ।
खुला उपसभापतिमा माधवप्रसाद भट्टराई, महिला उपसभापति बीना शर्मा, सचिव कमल खत्री, सहसचिवमा मञ्जुकुमारी घिमिरे, कोषाध्यक्षमा जानकी अधिकारी, सदस्यमा गिरिधारीप्रसाद पाण्डे, सुनिलबहादुर थापा, सुमित्रा केसी, राधिका थापा, मञ्जु पोखरेल, कृष्ण चालिसे चयन भएका छन् ।
पाल्पामा नेपाल ट्रेड युनियन काङ्ग्रेसमा १२ वटा विभिन्न सङ्घ संस्था आबद्ध रहेको नेपाल ट्रेड युनियन काङ्ग्रेस पाल्पाका अध्यक्ष लक्ष्मण रायमाझीले जानकारी दिए ।
