काठमाडौँ । नेपाल कम्युनिष्ट पार्टी ‘नेकपा’ का वरिष्ठ नेता माधवकुमार नेपाल त्रिभुवन विश्वविद्यालय शिक्षण अस्पताल महाराजगंजमा उपचारार्थ भर्ना भएका छन् ।
आइतवार उहाँको ज्वरो बढेपछि अस्पताल भर्ना गरेर उपचार भइरहेको उनका स्वकीय सचिव नितेश पौडेलले जानकारी दिए । दैनिक कार्यक्रममा जाँदा दौडधुप बढी भएकोले उनलाई ज्वरो आएको बताए ।
नेता नेपाल गत साता बारा र पर्सामा हावाहुरी आएपछि त्यहाँ जानु भएको थियो । उहाँलाई त्रिविका चिकित्सक डा सन्तकुमार दासको टोलीले उपचार गरिरहेको छ । स्वकीय सचिव पौडेलले उनको ज्वरो सामान्य भएकाले चिकित्सकको सल्लाहमा आजै अस्पतालबाट घरफिर्ता गरिने जानकारी गराए ।
