खाँदबारी । झोलुङ्गे पुल बनाउन सदरमुकाम खाँदबारीमा आठ दिने तालीम सञ्चालन गरिएको छ । तालीममा जिल्लाका सात स्थानीय तहबाट १० वटा झोलुङ्गे पुलका उपभोक्ता समितिका ४९ जना सहभागी छन् । समाज विकास केन्द्र सोडेकले जिल्लाका विभिन्न स्थानमा यो वर्ष १० वटा झोलुङे पुल निर्माण गर्नेछ ।
अझै पनि झोलुङ्गे पुलको अभाव रहेको जिल्ला समन्वय समितिका प्रमुख सुमन शाक्यले बताए। शाक्यले झोलुङ्गे पुलको माग अत्यधिक रहेकाले सङ्घ प्रदेश र स्थानीय तहले निर्माण गर्न पहल गर्नुपर्ने बताए । खाँदबारी नगरपालिकाका प्रमुख मुरारीप्रसाद खतिवडाले स्थानीय जनता जोखिम मोलेर खोला तर्न वाध्य रहेका बेला पुल निर्माणले भरपर्दो यातायातको सुविधा पुग्ने बताए ।
