सुदूरपश्चिम

दुई जिल्ला जोड्ने सडकको काम तीव्र गतिमा

अमरगढी । डडेल्धुरा जिल्लामा दुई जिल्ला जोड्ने झण्डै आधा दर्जन सडकको निर्माणको कार्य तीव्र गतिमा अगाडि बढ्दैै छ ।

डडेल्धुरा जिल्लाबाट विभिन्न जिल्ला जोड्ने गरी सडकखण्डको अगाडि बढिरहेको डिभिजन सडक कार्यालय कुलपाते डोटीले जनाएको छ । डडेल्धुरा जिल्लाबाट कञ्चनपुर जिल्ला जोड्ने दैजी जोगबुडा बुडर सडक ६५ किलोमिटर र ब्रह्मदेव जोगबुडा गोगन सलौन चिक्रीटे घटाल सडक, डडेल्धुरादेखि बैतडी जोड्ने उग्रतारा मेलौली सडक ४५किमि, ८५किमि, बुडर नाइल सडक ४५किमि, डोटी डडेल्धुरा जोड्ने भत्काडा बडाल रेल उच्चाकोट ६६किमि, डडेल्धुरा र बैतडी जोड्ने अनाखोली भुलकुँडा देवल ३५ किमि सडकको निर्माण कार्य अगाडि बढिरहेको डिभिजन सडक कुलपाते डोटीका डिभिजन प्रमुख दलिराज मल्लले बताए ।

यस्तै दैजी जोगबुडा बुडर सडकखण्डको पूर्णरुपमा गत वर्ष नै ट्रयाक खोल्ने काम सम्पन्न भर्ई २२ किलोमिटरको कालोपत्रे कामको बोलपत्र भई राजेन्द्र निर्माण कम्पनी प्रालि धनगढीले काम शुरु गरिसको छ ।

डडेल्धुरा र बैतडी जोड्ने उग्रतारा मेलौली सडकले पनि आठ किलोमिटरको कालोपत्रेको काम अमरगढी बढाएको छ । आनारखोली भल्कुडा देवल सडकखण्डको ट्रयाक खोल्ने काम अन्तिम चरणमा पुगेको र डडेल्धुरा र डोटी जोड्ने भत्काडा बडाल रेल उच्चाकोट सडकको सात किलोमिटरको कालोपत्रे काम शुरु भएको प्रमुख मल्लले बताए ।

यस्तै बह्मदेव जोगबुडा गोगन सलौन चिरकिट्टे घटाल आइत सडकको आठ किलोमिटरको काम सम्पन्न भएको सडक डिभिजन कुलपाते डोटीका डिभिजन प्रमुख मल्लले जानकारी दिए । यी सडकको काम क्रमागतमा सञ्चालन हुने भएकाले प्रक्रियामा अगाडि बढ्ने डिभिजन प्रमुख मल्लले बताए।