सिद्धराज भट्ट/ धनगढी । रुस्लान धनगढी प्रिमियर लिग (डिपिएल) क्रिकेट प्रतियोगिताअन्तर्गत पहिलो दिन आज भएका दुई खेलमा काठमाडौँ गोल्डेन्स र रुपन्देही च्यालेञ्जर्सले विजयी शुरुआत गरेका छन् ।
दुई घरेलु टोली धनगढी स्टार्स र महेन्द्रनगर युनाइटेड भने पहिलो खेलमा पराजित भएका छन् । काठमाडौँले धनगढीलाई चार विकेटले हराउँदा रुपन्देही च्यालेञ्जर्सले महेन्द्रनगर युनाइटेडमाथि दुई रनको रोमाञ्चक जीत दर्ता गरेको हो ।
धनगढीले दिएको १३३ रनको विजयी लक्ष्य पछ्याउँदै जवाफी ब्याटिङ गरेको काठमाडौँले निर्धारित ओभर सकिन एक बल बाँकी रहँदा लक्ष्य पूरा ग¥यो । काठमाडौँलाई महत्वपूर्ण जीत दिलाउने क्रममा गौरभ तोमरले २८, अनिलकुमार शाहले २४ तथा अङ्कित दवासले २९ रनको पारी खेले । धनगढीका लागि रोहन मुस्तफाले चार विकेट लिए । आमीर हायत र विपीन कार्कीले पनि समान एक–एक विकेट हात पारे ।
ज्ञानेन्द्र मल्लको कप्तानीको काठमाडौँ गोल्डेन्सले टस जितेर पहिले फिल्डिङ गर्ने निर्णय गरेको थियो । टस हारेर पहिले ब्याटिङ गरेको सोमपाल कामीको कप्तानीको धनगढीले २० ओभरमा पाँच विकेट गुमाएर १३२ रन बनाएको थियो । ओपनरद्वय सुनिल घमला र रोहन मुस्तफालाई सस्तैमा गुमाएको धनगढीले यसपछि तेस्रो विकेटका लागि अमित श्रेष्ठ र सन्दीप रजालीबीच ५२ रनको साझेदारी भएको थियो ।
अमित श्रेष्ठले प्रतियोगिताको पहिलो अर्धशतक बनाए । ५० बलको सामना गरेका उनले चार चौका र दुई छक्काको मद्दतमा ५० रन बनाए । सन्दीपले २८ रनको पारी खेले । पवन सरार्फले १९ तथा शौरभ खनालले अविजित रहँदै २५ रन बनाए । काठमाडौँका लागि नन्दन यादवले दुई विकेट लिए भने ललित राजवंशी र अङ्कित दवासले समान एक–एक विकेट लिएका थिए ।
दोस्रो खेलमा रुपन्देही च्यालेञ्जर्सले महेन्द्रनगर युनाइटेडलाई दुई रनले पराजित गरेको छ । ११२ रनको विजय लक्ष्य लिएर आएको महेन्द्रनगरले निर्धारित २० ओभरमा आठ विकेट गुमाई १०९ रन मात्रै बनाउन सक्यो । टोलीका आनन्द सुब्रमनियनले २५ र रोहित पौडेलले २४ रन बनाए । कप्तान शरद भेषावाकर चार, कुशल मल्ल नौ, आरिफ शेख पाँच र सिद्धान्त लोहनी चार रनमा आउट भए ।
रुपन्देहीका विक्रम सोवले तीन ओभरमा २४ रन खर्चेर तीन विकेट लिए । त्यस्तै पुनित मेहराले दुई तथा ललितसिंह भण्डारी, कृष्ण कार्की र बसन्त रेग्मीले एक एक विकेट लिए । यसअघि टस जितेर ब्याटिङ गरेको रुपन्देहीले सबै विकेट गुमाउँदै १११ रन बनायो । रुपन्देहीका लागि सुमित महर्जनले २७ रन बनाए । यस्तै प्रदीप ऐरी एक, सन्दीप सुनार १५, बाबर हायत १४, विनोद भण्डारी १९, पुनित मेहरा तीन, भीम सार्की दुई रन बनाउँदै आउट भए ।
यस्तै कप्तान वसन्त रेग्मी र ललितसिंह भण्डारी शून्यमा आउट भए भने कृष्ण कार्कीले चार रन जोडे । विक्रम साव १० बलमा १६ रन बनाउँदै अविजित रहे । महेन्द्रनगरका लागि सिद्धान्त लोहनीले चार ओभरमा १९ रन खर्चेर तीन विकेट लिए । सागर ढकाल र अविनाश बोहराले दुई दुई विकेट लिए । कप्तान शरद भेषावकरले एक विकेट लिए । लिगअन्तर्गत भोलिको पहिलो खेलमा धनगढी स्टार्स र सिवाइसी अत्तरिया प्रतिस्पर्धा गर्नेछन् । दोस्रो खेलमा विराटनगर किंग्स र रुपन्देही च्यालेन्जर्स खेल्नेछन् ।तन्त्र दिवस तीन दिनसम्म विभिन्न कार्यक्रम गरी मनाउने भएको छ । प्रधानमन्त्री केपी शर्मा ओलीको अध्यक्षतामा गठित ६९औँ राष्ट्रिय प्रजातन्त्र दिवस मूल समारोह समितिको आजको बैठकले फागुन ६, ७ र ८ गते विभिन्न कार्यक्रम गरी दिवस मनाउने निर्णय गरेको हो ।
दिवसका अवसरमा फागुन ६ गते दिपावलीसँगै उपत्यकाका महानगर र नगरपालिकाले आआफ्नो क्षेत्रमा राष्ट्रिय झण्डा एवं व्यानरसहित नगरको सरसफाइ र सजावट गर्ने कार्यक्रम तय गरिएको छ । यस्तै फागुन ७ गते मुख्य दिन राष्ट्रपतिको उपस्थितिमा सैनिक मञ्च टुँडिखेलमा विशेष समारोह गरिने समितिले जनाएको छ ।
सोही दिन बिहान सेनाले बिगुल बजाउने, तोप र बन्दुकबाट बढाइँ गर्ने, सेनाको हेलिकप्टरबाट पुष्पवृष्टि र बेलुन उडाउने तथा शहीदको आत्माको चिरशान्तिको कामनाका साथ पूजापाठ र प्रार्थनाको कार्यक्रम गरिनेछ । कार्यक्रममा उपराष्ट्रपति मूल समारोहमा समितिका अध्यक्ष एवं प्रधानमन्त्री, प्रधानन्यायाधीश, सभामुख, राष्ट्रियसभाका अध्यक्ष, उपप्रधानमन्त्री, संवैधानिक आयोगका अध्यक्ष र सदस्य, मन्त्रीलगायतको उपस्थिति रहनेछ ।
उपत्यका बाहिर प्रदेशका मुख्यमन्त्रीको अध्यक्षतामा तथा जिल्लामा जिल्ला समन्वय समितिका प्रमुखको अध्यक्षतामा दिवस मूल समारोह समिति बनाइ विभिन्न कार्यक्रम गरिनेछ । काठमाडौँमा दिवस मनाउनका लागि सञ्चार तथा सूचना प्रविधिमन्त्री गोकुलप्रसाद बाँस्कोटाको अध्यक्षतामा प्रचारप्रसार उपसमिति, काठमाडौँ महानगरपालिकाका प्रमुख विद्यासुन्दर शाक्यको संयोजकत्वमा मञ्च सजावट तथा व्यवस्थापन उपसमिति र काठमाडौँका प्रमुख जिल्ला अधिकारीको संयोजकत्वमा कवाज तथा व्यायाम व्यवस्थापन उपसमिति गठन गरिएको छ ।
जिल्ला सदरमुकामबाहेकका स्थानीय तहमा सम्बन्धित स्थानीय तहको प्रमुख तथा अध्यक्षको संयोजकत्वमा समिति गठन गरी प्रभातफेरी, प्रवचन, गोष्ठी, सांस्कृतिक कार्यक्रम तथा सरसफाइ कार्यक्रम गरिनेछ । यस्तै फागुन ६ देखि ८ गते तीन दिन साँझ दिपावलीसमेत गरिने मूल समारोह समितिले जनाएको छ । आज बसेको समितिको बैठकले विदेशस्थित नेपाली दुतावास, नियोग तथा वाणिज्य दुतावासमा विभिन्न कार्यक्रमसहित तीनै दिन साँझ दिपावली गर्ने समितिले निर्णय गरेको छ ।
विसं २००७ फागुन ७ गते १०३ वर्षे जहानियाँ राणा शासनको अन्त्य भएको दिनको सम्झनामा प्रत्येक वर्ष फागुन ७ गते प्रजातन्त्र दिवस मनाइन्छ ।
