डोटी । वर्षौंदेखि बिजुली नहुँदा अन्धकारमय बनेको सायल गाउँपालिका–४ राष्ट्रिय विद्युत् प्रसारण लाइनसँग जोडिएको छ ।
सायल गाउँपालिका–४ का वडाध्यक्ष टीका सिंहका अनुसार राष्ट्रिय विद्युत् प्रसारणमा जोडिएसँगै उक्त वडामा ८० विद्युत् मिटर वितरण गरिएको छ । सो वडामा १०० भन्दा बढी परिवारले बिजुली बाल्न थालेका छन् । गाउँपालिकाका अध्यक्ष तेज डुम्रेलले यसै वर्षभित्र सबै वडामा विद्युत् लाइन विस्तार गरिने बताए । यसअघि यहाँका बासिन्दा सोलार तथा टुकी प्रयोग गर्दै आएका थिए ।
