रुकुम पूर्व । समाज परिवर्तनका लागि लड्दै गर्दा ज्यान गुमाउने शहीदको सम्झनामा शहीद स्मृति भवन निर्माण गरिएको छ । सिस्ने गाउँपालिका–८ को भुरुङ्गामा भवन निर्माण गरिएको हो । दश वर्षे जनयुद्धको समयमा साविकको स्यालापाखा गाविसका ३९ जनाले ज्यान गुमाएका थिए ।
विसं २०७३ मा भवन निर्माणका लागि निर्वाचन क्षेत्र नं १ का सांसद गणेशमान पुनले संसद् विकास कोषबाट रु नौ लाख ७० हजार रकम छुट्याउनु भएको थियो । कुल रु १२ लाखको लागतमा भवन निर्माणको काम सकिएको निर्माण समितिका अध्यक्ष खड्गसिं पुनले बताए । एउटा कोठा र एउटा हल भएको उक्त भवनमा युद्धका क्रममा शहीदले प्रयोग गरेका सामग्री राखिने छ ।
