विचरा मेरो देश ………..

    -कमला पोख्रेल                                                                                                                                           -कविता

कस्ले देख्ला खोइ यँहा, पीर मर्कामा परेको नी
कुरीति र कुसंस्कारले छाउगोठमा मरेको नी ।।

समान न्याय भन्दै कुद्ने, जति जो नै भए पनि
कस्ले भनि दिने यँहा, हिंसाको मात चढेको नी ।।

दिन दिनै बलत्कारका, अपराधले ठाँउ पाउँदा
दुर्लभ भयो देख्न यँहा, न्याय खातिर लडेको नी ।।

आफ्नो छाक टार्नमा नै, उस्लाई फुर्सद छ र कँहा
पत्तो छैन बिचरालाई मार्सीको भाऊ बढेको नी ।।

तेरो फाइदा, मेरो फाइदा, तानातान् मै रुमल्याछन्
मेसो छैन कठैबरा, स्वाभिमानै गलेको नी ।।

बेफुर्सदी समाज भयो, मोज मस्ती, रवाफले
कस्ले देखि दिने होला, जीउदो सपुत ढलेको नी ।।
पाउलान् जस्तो छैन मेसो, राज्य कानुन सडेको नी ।।
मेसो छैन कठैबरा, स्वाभिमानै गलेको नी ।।