काठमाण्डौ । नेपाली कांग्रेस नेता प्रकाशमान सिंहले सरकार र पाटि दुबैमा बहुमतको अहमता रहेको बताएका छन् । नत सरकारले जनचाहान अनुरुप काम गर्न सकेकोछ न आफ्न्नु पाटि ले प्रभावकारी भुमिका खेल्न्न सकेकोछ भन्दै सभापति शेर बहादुर देउवाले नेपाली कांग्रेसलाइ बिधान बिपरित चलाएको आरोप लगाएका छन् ।
बिधिबिधान मिच्ने अधिकार कसैलाइ नभएको भन्दै उनले बिधानमा २ वटा उपसभापति राख्ने ब्यबस्था नभएको उल्लेख गरे ।
‘आफुलाइ लोकतान्त्रिक पार्टी भन्ने अनि नेतृत्वले बिधान बिपरित बहुमतको आडमा मनपरि काम भएको छ ,यसलाइइ सच्चाएर अगाडी बढ्नुपर्छ’ ।
नेपाल प्रेस युनियन रुपन्देहीले बुटवलमा आयोजना गरेको पत्रकार भेटघाटमा बोल्दै पूर्व महामन्त्री समेत रहेका नेता सिंहले तत्कालीन शेरबहादुर देउवा नेतृत्वको सरकारले जनताको चित्तबुझ्दो काम नगरेकै कारणले पार्टीले चुनावमा कांग्रेसले हार व्यहोर्नु परेको बताए ।
उनले बिपी, गणेशमान र कृष्णप्रसाद भट्टराईले सोचेअनुसार वर्तमान पार्टी नेतृत्व जान नसकेको उनको भनाइ छ ।
अब सबैलाइ समेटर बिधान र बिधिलाइ अबलम्बन गर्ने नेर्तत्व कांग्रेसमा आम कार्यकर्ताले खोजेको उनको तर्क छ ।
पूर्व उपप्रधानमन्त्री समेत रहेका नेता सिंहले बर्तमान सरकार सरकार संघीयता संस्थागत गर्ने पक्षमा नरहेको आरोप लगाए ।सरकारका गतिविधिले दुईतिहाइको सरकार हुदा पनि संघीयतालई संस्थागत गर्ने पक्ष नदेखिएको उनको धारणा छ ।
‘सरकार सबै दृष्टिबाट फेल भइसक्यो, जनताले यो सरकारबाट धेरै आशा गरेका थिए ।’ उनले भने । संविधानमा उल्लेखित अधिकारहरु कानुन बनाएर काम गर्नुपर्नेमा ९ महिना वितिसक्दा पनि कुनै विधेयक संसदमा पेश गर्न नसकेको उनको गुनासो छ ।
समृद्धिको नारा दिने सरकारसंग काम गर्न सक्ने क्षमता नभएको भन्दै उनले कुरा मात्र ठूला गर्ने र विकास बजेट ८ प्रतिशत पनि खर्च गर्न नसक्नेबाट धेरै आशा गर्न नहुने बताए ।यातायातको सिण्डिकेट, सुनकाण्ड जस्ता घटनाको संरक्षणमा सरकार नै लागेको उनको भनाइ छ ।
