काठमाडौं । सरकारी सेवामा प्रवेश गर्न चाहनेको संख्या ह्वात्तै बढेको छ । लोकसेवा अायाेगका अनुसार गत आर्थिक वर्ष ०७४\७५ मा माग संख्याभन्दा आवेदन ९५ गुणा बढी परेकाे थियाे ।
आयोगले विभिन्न पदमा पाँच हजार ९७० सिटका लागि दरखास्त आह्वान गरेकोमा ती पदमा पाँच लाख ७१ हजार ३२२ जनाले दरखास्त दिएका थिए । यसरी दरखास्त दिनेमा महिलाको संख्या दुई लाख ९६ हजार सात सय चार थियो भने पुरुष दुई लाख ७१ हजार एक सय ४९ थिए ।
‘गत वर्ष माग गरिएको पदभन्दा ९५ गुणा बढीले दरखास्त दिए। यसले सरकारी सेवाप्रतिको आकर्षण चुलीमा पुगेको देखाउँछ’, लोकसेवा आयोगका प्रवक्ता किरणराज शर्माले भने ।
नेपालको संविधान जारी हुनुअघि आयोगले निजामती सेवाका लागि आवश्यक पर्ने जनशक्तिको मात्रै परीक्षा लिने गरेको थियो । संघीय शासनअनुरूपको संविधान आएपछि लोक सेवाले नेपाली सेना, दुईवटै प्रहरी बल तथा अन्य संगठित संस्थानको रिक्त पदमा समेत परीक्षा लिँदै आएको छ ।
बिना सोर्सफोर्स निष्पक्ष रूपमा परीक्षा हुने भएकालेले यसतर्फको आकर्ष बढेको हो । सरकारी सेवाका जानकारहरूका अनुसार जागिरमा प्रवेश गरेर उच्च तहमा पुगेकाहरूको आर्थिक अवस्था मजबुत र जीवनशैली विलासी भएकाले पनि यसतर्फ आकर्षण बढेको हो, याे समाचार अाजकाेराजधानी दैनिकमा छ ।
