काठमाडौं । प्रदेश ५ मा हुने आठौं राष्ट्रिय खेलकुदमा जिल्लाबाट प्रदेश स्तरीय छनोटमा सहभागी हुने खेलाडी कोटाको निर्धारण गरिएको छ ।
राष्ट्रिय खेलकुद परिषद्का सदस्य–सचिव एवं आठौं राष्ट्रिय खेलकुद– २०७५ कार्यकारी समितिका अध्यक्ष केशवकुमार विष्टको अध्यक्षतामा आइतबार सातदोबाटोमा बसेको बैठकले खेलाडी कोटा निर्धारण गर्ने निर्णय गरेको हो ।
त्यस्तै बैठकले क्षेत्रीय छनोट मार्फत खेल्ने खेलहरुको पनि यकिन गर्ने निर्णय गरेको कार्यकारी समितिका सचिव इन्द्र कार्कीले जनाएका छन् ।
