समाचार

सर्वोच्च अदालत बार एसोसियसनको अध्यक्षमा अधिकारी, सचिबमा आचार्य

काठमाडौँ । सर्वोच्च अदालत बार एसोसियसनको अध्यक्षमा वरिष्ठ अधिवक्ता खगेन्द्रप्रसाद अधिकारी निर्वाचित भएका छन् ।

शनिबार साँझ सम्पन्न मतपरिणामअनुसार अधिकारीले ३०३ मत ल्याई निर्वाचित भएका हुन् । उनका निकटतम् प्रतिस्पर्धी दामोदर खड्काले २४३ मत प्राप्त गरेको प्रमुख निर्वाचन अधिकृत नारायणप्रसाद प्रसाईंले जानकारी दिए ।

यस्तै उपाध्यक्षमा राजु खड्का, सचिव शुभनराज आचार्य, सहसचिव पूर्णिमा रिमाल गुरागाईं र कोषाध्यक्ष सरोजकृष्ण घिमिरे निर्वाचित भएका छन् ।

यस्तै महिला सदस्यमा किरणकुमारी गुप्ता, सदस्यमा राजु आचार्य, राजाराम उपाध्यय, पुष्पराज पौडेल, दीपेन्द्रकुमार राई, रमेश महर्जन, भुवनप्रसाद काफ्ले, कल्याण पोखरेल र सन्तोषकुमार महतो निर्वाचित भएका हुन् ।
निर्बाचन शनिबार ८ बजेदेखी शुरु भई दिउसो २ बजे सम्पन्न भएको थियो । निर्बाचन सम्पन्न भएको केहीबेरमा नै घोषणा गरिएको परिणाम अनुसार लोकतान्त्रीक र प्रगतीशीत दुबै पक्षले विजय हाँशिल गरेका छन् ।