काठमाडौं । बुधबार राति समूह डी अन्तर्गतको खेलमा अर्जेन्टिना क्रोएशियासँग लज्जास्पद रूपमा पराजित भएसँगै एक दुस्खद् खबर सार्वजनिक भएको छ । समाचारमा बताइए अनुसार अर्जेन्टिनाका एक समर्थकले म्याच सकिएपछी आत्महत्या गरेका छन् ।
यो खबर हाम्रो छिमेकी देश भारतको हो । भारतको केरलामा बसोबास गर्ने दिनु एलेक्स नाम गरेका एक व्यक्तिले आत्महत्या गरेका हुन् ।
सामाजिक सञ्जाल फेसबुकमा अहिले एक तस्विर भाइरल भैरहेको छ । जसमा अर्जेन्टिनाको जर्सी लगाएका एक व्यक्तिले सिलिङ्गमा झुण्डिएर आत्महत्या गरेको देखिन्छ । यो तस्विर सो व्यक्तिको हो वा अन्य हो अहिलेसम्म पुष्टि भैसकेको छैन ।
स्मरणिय कुरा के छ भने सन् २०१४ मा भएको विश्वकपको सेमिफाइनलमा ब्राजिललार्इ ७ गोलले जर्मनले जितेपछि एक नेपाली युवतीले आत्महत्या गरेकी थिइन् ।
सुनसरीको मर्निङ्ग स्टार बोडिङ्क स्कुलको कक्षा १० मा पढ्ने १५ वर्षिया प्रज्ञा नाम गरेकी एक युवतीले आत्महत्या गरेपछि सो समाचार भाइरल भएको थियो ।
ब्राजिलकी डाइहार्ट फ्यान रहेकी प्रज्ञा ले फाइनलमा ब्राजिल नपुग्ने भएपछि आत्महत्या गरेकी थिइन् । उक्त खेलमा ब्राजिलले १ गोल मात्र हान्न सफल भएको थियो । -एजेन्सी
