राजविराज । संघीय समाजवादी फोरम नेपालका अध्यक्ष उपेन्द्र यादवले मुलुक संघीयतामा गएपनि स्रोत र साधनको अभावमा अहिले प्रदेशहरु संकटपूर्ण अवस्थामा रहेको बताएका छन् ।
सप्तरीको छिन्नमस्ता मन्दिरमा आजदेखि शुरू भएको दश महाविद्या सह–रुद्र महायज्ञको उद्घाटन गर्दै उनले प्रदेश नं २ मा अन्य प्रदेशभन्दा स्रोत र साधनको अभावले चाहेर पनि केही गर्न नसकिएकाले प्रदेशको अधिकार संकुचित गर्न नहुनेमा जोड दिए ।
संविधान संशोधन तथा आफूहरुले उठाएका माग सम्बोधनको सुनिश्चितता नभएसम्म यथास्थितिमा सरकारमा जान नसकिने प्रष्ट पार्दै अध्यक्ष यादवले भने, “सरकारमा जान हामी आतुर छैनौँ तर सरकारमा हाम्रो भूमिका र संविधान संशोधनबारे प्रधानमन्त्रीको स्पष्ट धारणा आए हामी सोच्ने छौँ । ”
