पर्यटन/संस्कृति

पर्यटन प्रवर्धन गर्न हातेमालो गर्नुपर्छः राजदूत पुरी

चितवन । नेपालका लागि भारतीय राजदूत मञ्जिवसिंह पुरीले पर्यटन प्रवर्धनका लागि दुई देशबीच हातेमालो गरी अघि बढ्नुपर्ने बताएका छन् ।

भरतपुर महानगरपालिका र भारतीय महावाणिज्य दुतको कार्यालय वीरगञ्जले आज यहाँ संयुक्तरुपमा आयोजना गरेको नेपाल–भारत दुई देशीय पर्यटन प्रवद्र्धन गोष्ठीलाई सम्बोधन गर्दै उनले नेपाल र भारतका महत्वपूर्ण पर्यटकीय गन्तव्यहरू पुग्नका लागि सहजै सकिने भएकाले एक देशको पर्यटकीय ठाउँहरूको बारेमा अर्को देशमा प्रचारप्रसार गर्न सकेमा दुवै देशको पर्यटन प्रवर्धन हुने बताए ।

भरतपुर महानगरपालिकाका प्रमुख रेणु दाहालले पर्यटन प्रवर्धन गर्न महानगर लागिपरेको बताउँदै योजनाबद्धरुपमा पर्यटन प्रवर्धन गर्ने बताए ।

भारतीय महावाणिज्य दूतको कार्यालय वीरगञ्जका महावाणिज्यदूत बिसी प्रधान, प्रदेश सांसद कृष्णप्रसाद भूर्तेल, मिलनबाबु श्रेष्ठ, घनश्याम दाहाल लगायतले एक देशका पर्यटक अर्को देशमा लैजान सके दुई देशको पर्यटन प्रवद्र्धन गर्न सहज हुने विचार व्यक्त गरे ।