काठमाण्डौ । नेपाल मदिरा ब्यवसायी महासंघको आयोजनामा भएको तेश्रो राजन स्मृती अन्तर मदिरा ब्याडमिन्टन च्याम्पियनसिपमा पुरुष एकल र जोडीको सेमिफाईनल समिकरण पुरा भएको छ ।
शनिबार सम्पन्न प्रतियोगितामा पुरुष एकल तर्फ काठमाण्डौका पेम्बा शेर्पा, धादिङ्गका विदुर कडेल, दाङ्गका टिका जंग ओली र माउण्ट एभरेष्ट डिष्टिलरीका विनोद पौडेल अन्तिम चारमा स्थान सुरक्षित गर्न सफल भएका छन् ।
जावलाखेल ग्रुप अफ ईन्ड्रष्टिजको उत्पादान रुस्लान भोड्काको मुख्य प्रायोजन रहेको प्रतियोगितामा पेम्बाले नुवाकोटका मनिष नगरकोटीबाट वाक ओभर पाए । यस्तै अर्को खेलमा विदुरले नेपालगंजका धनञ्जय खड्कालाई २१ − १५ समान अन्तरले पराजित गर्दै सेमिमा स्थान पक्का गरे । अव उनले पेम्बा संग प्रतिस्पर्धा गर्ने छन् । दाङ्गका टिकाजंग ओलीले ललितपुरका मोहित महर्जनलाई २१−११, २१− ९ ले जित निकाल्दै माउण्ट एभरेष्टका विनोद पोडेलसंगको भेट पक्का गरे । पौडेलले राजविराजका सुनिल परियारलाई २१−१५, २१−१८ ले पाखा लगाए ।
बसुन्धारास्थित बुल्स जिममा भएको प्रतियोपिगताको पुरुष जोडी तर्फको खेलमा कास्कीका कुमार गुरुङ्ग र रविचन्द्र होनाको जोडीले कञ्चनपुरका राहुल भट्ट र कृष्ण दत्त भट्टको जोडीलाई २१−११, २१−१४ले, कास्कीकै विरेन्द्र कुमार श्रेष्ठ र संजीव बहादुर कोईरालाको जोडीले सुनिल परियार र टिकाराम पन्थिीको जोडीलाई २१−८, २१−१७ले, दाङ्गका टिकाजंग ओली र सुनिल ओलीको जोडीले कास्कीका धिरज लम्साल र रितेश बहादुर थापाको जोडीलाई २१−११, २१−१८ ले र नेपालगंजका प्रकाश के.सी. र धनञ्जय खड्काको जोडीले काठमाण्डौका पेम्बा शेर्पा र पूmर्वा शेर्पाको जोडी माथी २१−१६, २१−११को जित निकाल्दै अन्तिमा चारमा स्थान बनाउन सफल भए ।
दुईदिने प्रतियोगिताको नेपाल ब्याडमिन्टन संघका अध्यक्ष रामजीबहादुर श्रेष्ठ र प्रायोजक जावलाखेल ग्रुप अफ ईन्डष्टिजका चिफ अफ मार्केटिङ्ग प्रविर कुमार नागले ब्याडमिन्टन खेलेर उद्घाटन गरेका थिए ।
प्रतियोगिताको फाईनल आईतबार अपरान्ह २.०० बजे हुने कार्यक्रम रहेको छ ।
