इनरुवा । अर्थमन्त्री ज्ञानेन्द्रबहादुर कार्कीले आर्थिक विकासका लागि युवाको महत्वपूर्ण योगदान रहने भएकाले युवा स्वरोजगारमा जोड दिएका छन् ।
सुनसरी सदरमुकाम इनरुवामा शनिबार हाम्रो सञ्जाल नेपालले आयोजना गरेको सञ्जालको विशेष साधारणसभा उद्घाटन गर्दै मन्त्री कार्कीले सो कुरा बताएका हुन्।
मन्त्री कार्कीले ग्रामीण क्षेत्रको कृषि भूमिलाई आधुनिकीकरण र वैज्ञानिकीकरण गरी उच्च प्रविधिसहित आर्थिक उन्नतिमा मुलुकलाई लानुपर्ने बताए । उनले आर्थिक विकासका लागि नेपालको कृषि, व्यापार, पर्यटन र खोला नालाको सदुपयोग गरी विद्युत् निकाल्न सक्ने सम्भावना भएकाले यसतर्फ आफूहरु र राज्य लागिपरेको बताए ।
कार्कीले देश विकास गर्नका लागि आर्थिक स्रोत आवश्यक पर्ने भएकाले आर्थिक उपार्जनका लागि स्थानीय स्रोतसाधनलाई सदुपयोग गर्नु आवश्यक रहेको औँल्याए ।
