काठमाण्डौ । रानीपोखरीको पुनर्निर्माणका विषयमा काठमाण्डौका मेयर विद्यासुन्दर शाक्य र उपमेयर हरिप्रभा खड्गीबीचको विवाद चुलिएको छ ।
मौलिक स्वरुप समाप्त गरेर रानीपोखरीको पुनर्निर्माण भैरहेको भन्दै संरक्षणकर्मी र उपमेयर खड्गीले लगाएको ताला मेयर शाक्यले नगर प्रहरी लगाएर फोडेपछि विवाद झनै चुलिएको हो ।
बिहान स्थानियबासिन्दा, संरक्षणकर्मी र उपमेयर हरिप्रभा खड्गीसहितको टोलीले लगाएको ताला महानगरपालिकाका मेयर शाक्यले नगर प्रहरी लगाएर फोडेको स्थानीयबासी तथा सम्पदा अभियन्ता आलोक तुलाधरले जानकारी दिए ।
अहिले मेयर शाक्यले रानीपोखरीमा यसबारेमा स्थानीयबासीसँग छलफल गरिरहेका छन् । भूकम्पले भत्काएको रानीपोखरी पुनर्निर्माणको क्रममा कंक्रिट प्रयोग भएकोमा आलोचना भइरहेको छ ।
