सामाजिक सञ्जाल

फेसबुक प्रयोगकर्ताले भिडियो देखाएर पैसा कमाउन सक्ने

एजेन्सी । फेसबुक प्रयोगकर्ताहरुले चाँडै नै नयाँ फिचर ‘वाच फेसबुक ट्याब’ अर्न्तगत ‘अनलाइन फेसबुक टेलिभिजन’ हेर्न र आफैँ चलाउन पाउने भएका छन् ।

मोबाइल र डेस्कटप दुबै भर्सनमा उपलब्ध हुने यस फिचरलाई अमेरिकामा रहेका केहि प्रयोगकर्ताहरु माझ बिहीबार बेलुकादेिख परिक्षणको रुपमा सार्वजनिक गरिने फेसबुकका संस्थापक मार्क जुकरबर्गले बताएका छन् ।

परम्परागत टेलिभिजन, युट्युब च्यानल, नेटफिक्स लगायत अन्य अनलाइन टेलिभिजन(शोलाई प्रतिस्पर्धा गर्ने उद्धेश्यले प्रयोगकर्तामाझ फेसबुकले यस्तो फिचर सार्वजनिक गर्न लागेको हो ।

ब्यक्तिगत रुपमा उपलब्ध गराइने नयाँ फिचरमा प्रयोगकर्ताहरुले विभिन्न ‘रेर्कडेट’ तथा प्रत्यक्ष टेलिभिजन कार्यक्रमहरुसमेत हेर्नसक्ने छन् । साथै, प्रयोगकर्ताहरुले भिडियो तथा रोचक कार्यक्रमहरु निर्माण गरी प्रत्यक्ष तथा रेर्कड गरी अरुलाई देखाउन पनि सक्ने छन् । यसवापत प्रयोगकर्ताहरुले पैसासमेत कमाउन सक्ने छन् । आफ्नो भिडियो कार्यक्रम अरुले हेरेवापत विज्ञापनबाट कमाइ हुने रकममध्ये ४५ प्रतिशत फेसबुक आँफैले राख्नेछ भने ५५ प्रतिशत प्रयोगकर्ताले पाउने छन् ।

यस फिचरमा आफ्ना शाथीभाईले कस्तो भिडियो हेरिरहेको छन् रु आफ्नो सर्कलमा कुन भिडियो तथा कार्यक्रम ुट्रेन्डिङुमा छ सबै हेर्न सकिने छ । जसबाट थप नयाँ कार्यक्रमहरुबारे थाहा पाउन सकिने छ । प्रयोगकर्ताहरुले भिडियोबारे दर्शकको प्रतिकृयाहरु हेर्न सक्नेछन् । साथै, विभिन्न शाथीभाईसँग समुह बनाई निश्चित कार्यक्रमहरुको लक्षित दर्शक समुहको निर्माणसमेत गर्न सक्नेछन् ।

फेसबुकमा गतवर्ष देखि ‘भिडिओ ट्याब’ उपलब्ध छ तर त्यो अहिलेसम्म सिकारुहरुले खिचेका भिडियो फूटेज वा समाचार संस्थाले राख्ने स–साना अंशमा मात्र सीमित रहेको छ ।