एजेन्सी । इजिप्टका राष्ट्रपति अब्दुल फतह अल-सिसीले रेड सीमा रहेका र मानव बसोबास नभएका दुईवटा टापुको सार्वभौमसत्ता साउदी अरेबियालाई सुम्पने एउटा सन्धि अनुमोदन गरेका छन् ।
त्यहाँका सरकारी वकिल रफिक शरिफले उक्त आदेश अब कानून बनेको र ती टापु साउदी अरेबियाको भूमिमा परिणत भएको बताएका छन् ।
तर एउटा संवैधानिक अदालतले सो विषयमाथि संसद् वा न्यायापालिका कुन निकायको निर्णय अन्तिम हुनेछ भनेर निर्क्यौल गर्न बाँकी छ।
एक वर्षयताको कानूनी लडाइँका क्रममा उक्त सन्धिको खारेजी र अनुमोदन दुवै पक्षमा अदालतले आदेश सुनाएको छ।