काठमाडौँ । कागेश्वरी मनोहरा नगरपालिकाको प्रमुख र उपप्रमुखमा नेपाली काँग्रेसको अग्रता छ ।
प्रमुखमा काँग्रेसका उपेन्द्र कार्कीले ६५६२ र एमालेका कृष्णहरि थापाले ५७८७ मत पाएको छन् । निर्वाचन अधिकृत प्रकाश कोइरालाले जानकारी दिए। नेकपा (माओवादी केन्द्र) का महेश्वर फुयालले २२१४ र राष्ट्रिय प्रजातन्त्र पार्टीका शम्भु थापाले ६५२ मत ल्याएका छन् ।
उपप्रमुखमा काँग्रेसकै अनिता अधिकारीले ६२८४, एमालेका बिन्दु सिम्खडाले ६१७१, माओवादीका रुकु रणपालले १८०१ र राप्रपाका कुस्मा नगरकोटीले ८०९ मत पाएका छन् ।
निर्वाचन कार्यालयले वडा नं ७ को मतगणना सकेको छ । ७ नं वडामा अध्यक्षसहित पाँचवटै पदमा काँग्रेसका उम्मेदवार विजयी भएका छन् । काँग्रेसका जीवन थापा १२९० मत ल्याई अध्यक्षमा निर्वाचित भएका हुन । उसका निकटतम प्रतिद्वन्द्वी एमालेका शैलेन्द्र रायमाझीले ८६८ मत पाए ।
यसैगरी महिला सदस्यमा शर्मिला कार्की, दलित महिला सदस्यमा शान्ता विशुङ्खे, खुल्ला सदस्यद्वयमा क्रमशः लक्ष्मण पुरी र सहदेव कार्की विजयी भएका छन् । नौ वडा रहेको नगरपालिकामा आज रातिसम्म मतगणना सकी परिणाम सार्वजनिक गरिने निर्वाचन अधिकृत कोइरालाले बताए ।
