अन्तर्राष्ट्रिय

कुख्यात तानाशाह हिटलरले प्रयोग गरेको फोन बिक्री हुँदै

काठमाण्डौ । दोस्रो विश्व युद्धका खलनायक एडोल्फ हिटलरले प्रयोग गरेको एउटा फोन अमेरिकामा यसै हप्ता लिलाम हुने भएको छ । रातो रंगको यो फोनमा हिटलरको नाम लेखिएको छ । यो फोन सन् १९४५ मा बर्लिनमा हिटलरको बन्करमा फेला परेको हो ।

आइतबारको नेपाल समाचारपत्रमा लेखिएको छ, जर्मनीले आत्मसमर्पण गरेपछि सोभियत सैनिकले यो फोन बेलायती बिग्रेडियर राल्फ रेनरलाई चिन्हका रुपमा प्रदान गरेको थियो ।

लिलामको प्रारम्भिक बोलकबोल १ लाख डलरबाट सुरु हुनेछ । राल्फका छोराको तर्फबाट लिलाम हुन लागेको फोन करीब ३ लाख सम्ममा बिक्रि हुन सक्ने अपेक्षा गरिएको छ ।