काठमाण्डौ । भूकम्पपछि पुनर्निर्माणका लागि हालसम्म उल्लेख्य प्रगति नभए पनि अनुमानित लागत भने उल्लेख्य बढेको छ ।
गत वर्षको दाता सम्मेलनअघि राष्ट्रिय योजना आयोगले गरेको विपद् व्यवस्थापनको आवश्यक आँकलन प्रतिवेदनले पुननिर्माणका लागि ६ सय ७० अर्ब आवश्यक रहेको देखाएको थियो । अहिले भने पुनर्निर्माणको अनुमानित लागत बढेर ९ सय ३८ अर्ब पुगेको खबर छ ।
भूकम्प प्रभावितलाई पूर्वघोषित दुई लाख अनुदान रकममा थप एक लाख रुपैयाँ दिने निर्णय मन्त्रिपरिषदले गरेको छ ।
यस्तै, प्रभावितलाई ३ लाख रुपैयाँ निव्र्याजी ऋण प्रदान गर्ने निर्णयसमेत कार्यान्वयन हुँदा बजेट ९ सय ३८ अर्ब पुग्ने देखिएको छ भन्दै सोमबारको कारोबार दैनिकमा समाचार प्रकाशित गरिएको छ ।
