कर्णाली प्रदेश

सुत्केरीलाई न्यानो झोला

हुम्ला । सुत्केरी अवस्थामा आमा र नवजात शिशुको सुरक्षाका लागि न्यानो झोला उपहार दिन थालिएको छ । सरकारी स्वास्थ्य संस्थामा प्रसूति गराउन आउनेलाई आमा र नवजात शिशुको स्याहारसुसारमा सहयोग पु¥याउने उद्देश्यले सरकारले नै न्यानो झोला उपहार दिने कार्यक्रम ल्याएको हो । उपहारस्वरुप दिइने न्यानो झोलामा आमालाई एक जोर लुगा, बच्चालाई टोपी, र नेम्फिन दुई दुई जोरको व्यवस्था गरिएको हुन्छ ।

स्वास्थ्य संस्थामा प्रसूति हुँदा प्रोत्साहन रकमसँगै न्यानो झोला उपहार पाइने भएपछि हुम्ला जिल्ला अस्पतालमा गत वर्षभन्दा यो वर्ष सुत्केरीको सङ्ख्या बढेको छ । स्वास्थ्य संस्थामा प्रसूति हुने महिलालाई न्यानो झोला उपहार दिने गरिएको उक्त अस्पतालका निमित्त प्रमुख डा टर्सी लामाले जानकारी दिए । गुणस्तरीय स्वास्थ्य सेवा र प्रोत्साहन रमकसँगै न्यानो झोला दिने गरिएकाले यो वर्ष सुत्केरीको सङ्ख्या बढेको डा उनले बताए । गत वर्ष २०६ जनाले जिल्ला अस्पतालबाटै बच्चा जन्माएका थिए ।

हाल छ महीनाको अवधिमा १२० सुत्केरीले उक्त अस्पतालबाट सेवा लिएको डा लामाले जानकारी दिए । गर्भवती भएको समयमा चार पटकसम्म जाँच गराउने ५० महिला छन् । अस्पतालमा सुत्केरी गराउन आउने महिलालाई रु तीन हजार दिने व्यवस्था भएकामा चार पटक जाँच गराउन आउने महिलालाई रू ८०० थप दिने गरिएको उक्त अस्पतालले जनाएको छ।