एजेन्सी । ट्वाइलेटमा प्रयोग गरेको पानी केमा प्रयोग होला ? त्यो फोहोर पानी ढलमा मिसिनुको विकल्प के होला र ? भन्नुहोला ।
तर भारतमा एउटा सरकारी संस्थाले ट्वाइलेटको पानी बेचेर ७८ करोड भारु कमाउँदै छ ।
मन्त्रीका अनुसार नागपुरमा वैकल्पिक इन्धनका विषयमा केही नयाँ प्रयोग भइरहेको छ । त्यहाँ ट्वाइलेटको पानीबाट बायो ग्यास निकालिन्छ । सोही ग्यासबाट बस गुड्नेछ ।
नितिन गडकरीका अनुसार मुम्बइ, पुणे तथा गुवाहटीमा कोइलाबाट बस चलाउने प्रयोग पनि भैरहेको छ । कोइलाबाट मिथेन ग्यास निकालेर त्यसको प्रयोग गाडीको इन्जिनमा गरिनेछ ।
डिजेल भन्दा मिथेन ग्यास निकै कम मूल्यमा पाइने भएको हुँदा यसले परिवहनको भाडा सस्तो बनाउने मन्त्रीको दाबी छ ।