सुर्यखबर सम्बाददाता/काठमाण्डौ । डा.गोबिन्द केसीको अनशनलाई समर्थन गर्दै निकालिएको तरुण दलको आन्दोलनमा प्रहरीले हस्तक्षेप गर्दा तरुण दलका अध्यक्ष जीतजंग बस्नेत लगायत दर्जनौ काँगेस कार्यकर्ता घाईते भएको तरुण दलले बताएको छ ।
तरुणल दलको बिशाल जुलुस माईतीघरबाट नयाँबानेश्वरचौकतिर जाँदैगर्दा तरुण दलका नेताकार्यकर्ताहरुले निशेधित क्षेत्र तोडेपछि प्रहरीले लाठी चार्ज गर्न शुरु गरेको थियो । आन्दोलनको सबैभन्दा अग्रभागमा रहेका अध्यक्ष जीतजंग बस्नेतले भीड नियन्त्रण गर्दै झडप हुनबाट बचाउन खोज्दाखोज्दै प्रहरीले आक्रमण गरिहाल्यो । घाईते हुनेमा उक्त स्थानमा भएका ललीतपुर काँग्रेस सभापति मदन अमात्य, नेबिसंघका पूर्ब उपाध्यक्ष क्षितिज भण्डारी, तरुण नेता बाबुराम आचार्य, नेपाल प्रेश यूनियनका महासचिब अजयबाबु सिवाकोटीचेतराज बजाल, राधिका हमाल, रामेछाप तरुण दलका पूर्ब उपसभापति दिलीप अधिकारी लगायत छन् ।
प्रहरीको अन्धाधुन्द अश्रु गयास प्रहारबाट केही सञ्चारकर्मी समेत घाईते भएका थिए । नयाँ बानेश्वरको एभ्रेष्ट होटल अगाडी तरुण दलको जुलुस छेउमा पूर्ब प्रधानन्यायधीश शुसीला कार्की, गगन कुमार थापा, मानबअधिकारकर्मी कृष्ण पहाडी, रबीन्द्र मिश्र, उज्वल थापा, बलिउड नेतृ मनिषा कोईराला, लेखक खगेन्द्र संग्रौला, अधिवक्ता ओमप्रिकाश अर्याल लगायतका अधिकारकर्मीहरुको ब्यापक जनसहभागीतामा गोबिन्द केसीको जीबन रक्षाका लागी ओली सरकारको बिरुद्धमा प्रदर्शन र बिरोध र्याली रहेको बेला थियो ।
उक्त तरुण दलले निशेधित क्षेत्र तोडेपछि शुरु भएको प्रहरी र तरुण दलका कार्यकर्ताहरुको ढेंगा हानाहान कार्यक्रम पुनः माईतीघरमा नै आएर समाप्त भएको थियो । अध्यक्ष बस्नेत लगायत नेताहरुलाई उपचारका लागी अस्पताल लगिएको छ, झडपमा प्रहरीका डीएसपी। इनसपेक्टर सहित केही प्रहरी अधिकारी पनि घाईते भएको बताईएको छ ।
आज भएको तरुण दलको आन्दोलन र प्रहरी हस्तक्षेपलाई हेर्दा अब ओली सरकारलाई अबका दिन फलामको चिउरा चपाउनु सरह हुने देखिएको छ । घाईतेलाई उपचारको लागी कसैलाई सिभिल अस्पताल त कसैलाई काठमाण्डौ मोडल अस्पताल लगिएको छ ।