त्रिशूली, नुवाकोट । सदरमुकाम विदुरमा १५ वर्षदेखि सञ्चालन हुँदै आएको नुवाकोट सामुदायिक आँखा केन्द्रले आजदेखि आफ्नै भवनबाट सेवा प्रवाह गर्न थालेको छ ।
विदुर नगरपालिका–२ विदुरमा एक रोपनी पाँच आना जग्गामा भवन निर्माण गरी सेवा प्रवाह शुरु गरिएको हो । यसअघि नेपाल रेडक्रस सोसाइटीको भवनमा सेवा सञ्चालन गरिँदै आएको थियो ।
रु ४५ लाखको लागतमा बनेको छकोठे प्रिफ्याब भवन उद्घाटन गर्दै जिल्ला समन्वय समितिका प्रमुख सन्तमान तामाङले सामुदायिक आँखा केन्द्रले नुवाकोटमा हजारौँको सेवा गरेको बताए । विसं २०६० चैत १ गतेदेखि सञ्चालित सो केन्द्रले हालसम्म एक लाख १२ हजार जनाको आँखा परीक्षण गर्नाका साथै चार हजार ५०० जनाको मोतियाविन्दुको शल्यक्रिया गर्नाका साथै तालीम दिएको केन्द्रका प्रमुख शंकर अधिकारीले जानकारी दिए ।
केन्द्रले नुवाकोट र रसुवाका साथै नुवाकोटसँग सीमा जोडिएका धादिङका बासिन्दाको समेत सेवा पु¥याउँदै आएको छ । केन्द्रको भवन निर्माणका लागि आवश्यक जग्गा स्ट्यान्डर्र्ड चार्टर्ड बैंकले खरिद गरिदिएको हो ।
