इनरुवा । प्रदेश नम्बर १ नेपाली काँग्रेस संसदीय दलको नेतामा राजीव कोइराला सर्वसम्मत चयन भएका छन् । संसदीय दलको सोमबार विराटनगरमा बसेको बैठकले कोइरालालाई सर्वसम्मत संसदीय दलको नेतामा चयन गरेको हो ।
संसदीय दलको नेताका लागि पार्टीका दुईजना आकांक्षी रहेका प्रदेश सांसद केदार कार्की र शेखरचन्द्र थापाले अन्तिम समयमा आफ्नो उम्मेदवारी फिर्ता लिएपछि कोइराला निर्विरोध चयन भएको नेपाली काँग्रेस सुनसरीका सचिव केदार भण्डारीले जानकारी दिए । कोइराला काँग्रेसका सुनसरी सभापतिसमेत छन् ।
कोइराला प्रदेशभाको निर्वाचनका बेला सुनसरी क्षेत्र नम्बर २ ९ख० बाट प्रत्यक्षतर्फ प्रदेशसभा सांसदमा विजयी भएका थिए ।
स्थानीय तह, प्रदेश र प्रतिनिधिसभाको निर्वाचनमा सुनसरीमा कोइरालाको कुशल नेतृत्व कै कारण सुनसरीमा काँग्रेसको राम्रो नतिजा आएको थियो । कोइरालालाई मंगलबार प्रमाणपत्र प्रदान गर्ने कार्यक्रम रहेको छ ।
रेडक्रशमा पुनः मेहता
यसैबीच, नेपाल रेडक्रश सोसाइटी इनरुवाको सभापतिमा पुनः रामप्रसाद मेहता चयन भएका छन् । सोमबार सम्पन्न भएको भेलाले पुनः मेहतालाई सभापति पदमा चयन गरेको हो ।
त्यसैगरी, उपसभापतिमा महिचन साह, सचिवमा कामेश्वर पण्डित र कोषध्यक्षमा कुमार ओझालाई सर्वसम्मतरुपले चयन गरिएको सदस्य वीरेन्द्र साहले जानकारी दिए ।
यस्तै, सदस्यमा वीरेन्द्र साह, योगेन्द्रप्रसाद मेहता, निरादेवी मेहता, सीता रिजाल, ब्रह्मदेव पण्डितलगायतको चयन भएको छ ।
