काठमाडौँ । किङ कम स्पोर्टस् क्लब, भीमसेनगोलाको आयोजनामा आठौँ बबिन स्मृति ब्याडमिन्टन प्रतियोगिता यही माघ २७ गतेदेखि हुने भएको छ ।
पुरुष जोडीमा मात्र खेलाइने सो प्रतियोगितामा नेपाल ब्याडमिन्टन संघको २०औँ बरियतामा परेका खेलाडीले प्रतिस्पर्धा गर्न नपाउने प्रतियोगिता संयोजक राजु रायमाझीले जानकारी दिए ।
नेपाल ब्याडमिन्टन संघको नियमानुसार खेलाइने उक्त प्रतियोगितामा उपाधि विजेता जोडीले रनिङ शिल्ड, मेडल र प्रमाणपत्रका साथै रु ४० हजार प्राप्त गर्ने छन् । दोस्रो हुनेले रु २५ हजार तथा तेस्रो हुने जोडीले रु १५ हजारका साथै शिल्ड, मेडल र प्रमाणपत्र प्राप्त गर्नेछन् । प्रतियोगितामा करिब ३६ टोलीको सहभागिता रहने अपेक्षा गरिएको संयोजक रायमाझीले बताए ।
