उर्लाबारी । मोरङको रतुवामाई– ८, इटहरास्थित तुलसीराम ढुंगानाका पाँचजना अपांगता भएका छोराछोरीका लागि अमेरिकामा रहेका नेपालीले रु ७५ हजार सहयोग गरेका छन् ।
बुधबार ढुंगानाको घरमै पुगेर मिक्लाजुङ गाउँपालिका–१ घर भई अमेरिकामा बसोबास गर्दै आएका सचिन राई, उनकी श्रीमती माला राई र छोरी आभा राईले सो रकम हस्तान्तरण गरेकी हुन् ।
अमेरिकाको न्यू ह्याम्प्सायरमा रहेका नेपालीकोतर्फबाट संकलन भएको रु ७५ हजारका साथै खाद्यान्न, लत्ताकपडासमेत उनीहरुले सहयोग प्रदान गरेका छन् । भिजन फाउण्डेशन नेपाल, उर्लाबारीको संयोजनमा उक्त सहयोग प्रदान गरिएको र आगामी दिनमा पनि सहयोग गर्ने सहयोगी सचिन राईले बताए ।
तुलसीरामकी श्रीमती सिर्जना ढुंगानाले सहयोग लिँदै सहयोगी दाताप्रति आभार प्रकट गरेकी थिइन् ।
